الفراق لشاعر الكبير حمد السعيد

والله إني كنت الوم إلي يضيق إن غاب خله

لين جربت المحبه والفراق وقلت توبه

لعنبو جد المفارق فيه هم وفيه ذله

اثر كل الحب لذه والفراق اكبر عيوبه

امس فارقت الغلا ومفارق الخلان عله

والعلاج الوصل لا تجبلش طبيب ولا حبوبه

الزعل هو سبة الفرقاء يهز الحب كله

ليتني طولت بالي قبل لا يعلن غروبه

واهني إلي وسيع الصدر صدره وسع فله

غلطت الصاحب تجي وتروح ماهي بمحسوبه

سامح الله طبعي إلي لتغير يا لعله

قاضبً خليك عزيز لين صارت لي عقوبه

ليش تحسب غلطت الصاحب على الصاحب مذله

ليش ما تحسب ميانه لو تجي عشرين نوبه

لا وربي كنت احبه حيل ما دورت زله

لا تشكك في غلاه ولا تساعد في هروبه

لا يمي قبلك تعبت الوم شعار المجله

وكنت مؤمن في مقولة اعذب الشعر كذوبه

واثر كلً في حياته له تجارب مستقله

وانت لا تشرح بما قبلي وتبلا لك بحوبه

كان جابت لك الحمياء روح لا تكفى وقله

لا يخليني وإذا وده يخفف من ذنوبه

يستخير وله غلا قلبً صدوقً ما يمله

فدوتً له كل قلبي من شماله لي جنوبه

يوم قفى والخفوق يفوح عقبه فوح دله

وصل فقدت واحداً عز الشتاء والسهر دوبه

لا تقهوى بارده من برد فنجاله وزله

ثم قربها على جال الجمر وارها شبوبه

وين يد له ها الخفوق وكل ما يدله يتله

طاري إلي يا كثر أتعبت رجلي في دروبه

لا طرى جريت ونة من بلاده مستحله

مثل ما طرى بلادي مع شعرات العروبه

كل هاجوس يجيبه جعل شعري فدوتً له

واعذابي كل ما جابت لي الجبله هبوبه

مشغلً قلبي بحبه دون خلق الله من الله

هيه يا إلي ممتلكني حسن واحساس وعذوبه

ما سمعت إن الخوي له بالخوي تسعين زله

وانت طوف زلتي يا على تفداك اللعوبه

صاحبي سيف الهجر لا صرت تقدر لا تسله

ما تظن إن العفو عند المقدره اكبر عقوبه

إيه انا إلي كنت الوم إلي يضيق إن غاب خله

بس جربت المحه والفراق وقت توبه