عرفت قدري

عرفت قدري يوم زدت... بصدودك
توّي عرفت اني ....بهامش حياتك

ثقلك.. وهجرانك.... وزايد برودك
خلاني انسى مولدي.... في حياتك

طعت البعيد وأخذت هرجة حسودك
وتبدّلت أحلى... وأجمل..... صفاتك

وأصبحت متنكر وواضح جحودك
تفكيرك ..وهمك.. في حدود ذاتك

وأنا الذي وفيت لك... في عهودك
لو تطلب عيوني.. راح أقول جاتك

وعدتني ..وأخلفتني.. في وعودك
سهّرتني.... وأنت امتهني بسباتك

وش ينفعك حسنك وروعة خدودك
لاصار معنى الحب .. ماهو بحياتك

لازالت صفات الأناني .....تسودك
أتلفت من واحة حياتي...... نباتك

ونسيت حبك ....يوم ذبلت ورودك
آسف.... قطار الحب بالحيل فاتك

ماشفت جودك شفت زايد صدودك
ولابد تندم....... فترةٍ ...في حياتك

كرهت اسمك وعنبرك وريح عودك
وشفّرت ...والله من فضائي.. قناتك

قدري كبير ........ومايهزه جحودك
موتي قهر....... مادام هذي حياتك