يارب شتت ضيقي

أشيل هم(ن) مادرابه رفيقي
والقلب ضخه وانتشر بالشرايين
هم(ن)يصحي نايم(ن) مايفيقي
ولو أشتكي ردت عقول المجانين
لو أشكي للناس يجف ريقي
ولو أعلنه قامت ملوك وسلاطين
أحكي ولا أسلى وأن حكى لى صديقي
أجامله وانا همومي ملايين
مشيت في دنياي عكس الطريقي
وتاهت دروبي ماسعفتني العناوين
أسير في دربي وهمي لصيقي
غديت أنا وياه مثل الرفاقين
مره يعلقني ومره عليقي
ومره يسوي كايدات الطواعين
عن الفرح والنوم دايم يعيقي
سوت اهمومي في ضميري دواوين
مر أوآسى مع موج حزنن عميقي
جني مفاريدن وجني مقارين
وختامها يالله تشتيت ضيقي
ويالله عفوك يوم عرض الموازيين