انا اللي

انا الي من صغر سني حياتي عشتها شقيان
اعيش بواقعً مجهول ولدري عن نهاياتـي
اعيش بدنيتي كني غريبٍ فـارق الاوطـان
وكم من واحدٍ يرحل من الدنيـا ولا ياتـي
رحل من دنيته واقفى وعاش بعالم النسيان
وعاش بدنيتن محدن عرفها غير الامواتـي
وقررت الرحيل بصمت وانا في داخلي نيران
وقررت انسحب بسكات وغيرت اتجاهاتـي
رحلت ولا خذيت الا الشقا والهم والاحـزان
وبعض اوراق دفتر شعر سجلته وحاجاتـي
قبل تبحر سفينة رحلتي رحت اسأل القبطان
ابي اعرف انا دربـه يودينـي مساراتـي
سالني قبل لا اسأل سبايب رحلتـك انسـان
سكت ولا عرفت انطق سؤاله زاد لوعاتـي
سؤاله حرك بقلبي جروح الحب والحرمـان
وذكرني حبيب العمر حبيـبٍ فـي بداياتـي