أعشق قسوتك

احب الحب من حبك أحبك ياشقى دنياي

وأحب الآآآه والونه وتذكرني بطعناتك

وأحب الفرقا والدمعه وأعشق قسوتك وياي

وأعيش الهموم ألوان وتضحكني نهاياتك

ويبكيني صدى ذكرى وغرام ماخلق لولاي

وبسمه كنت ابرسمها وألونها على شفاتك

وأدآآعب طيف سافر بي وشرق واتبعه بخطاي

وأنا أعرف نهايتها وأعرف بعد خطواتك

تجاملني وأنا أضحك وأزيف لخاطرك معناي

وأمثل دور مستانس وتعذبني ابتساماتك

تخيل أني أدري بك وأغطي خملتك بردآآي

أنا أتحمل ولآ أغيري يشوف شلون غلطاتك

حلفت أني أذا ببعد وربي لآخذك وياي

بدونك كيف أنا بحيا بدون أحساسك وذاتك

أشوفك عمري الماضي ومستقبل حياتي الجاي

وأنا أدري بأن غيري تمكن وسط نظراتك

وحتى لو خذاني الموت بتيقى لك صدى ذكراي

ويبقى كحلي وعطري ودفتر فيه اعترآفآتك

وسواد الليل وأشعاري وحروف صغتها برضاي

وقصيدة عشق اترجمها ودفا احسه بلمساتك

عساني مانحرم منك لو انه بسبتك شكواي

وعمري أوهبه لاجلك عساها تزين لحظاتك