ضعفت قدامك

كل(ن) بالدنيا مـن الحـب شقيـان وكل(ن) على ما جاه غيـر اسلوبـه
ذقـت المحبـه منـك سـم ثعبـان وغيري لقى المحبـه عـز مطلوبـه
ضعفت قدامك وقت مضـى شفقـان تدور عيوبي وغيري تستر عيوبـه
واليوم يوم الجرح من غـدر خـلان تجرح وقلبي ضاع وضيـع دروبـه
ليه ترخصني وانا بأغلـى الاثمـان وليه تجرح جرح عذال حبي حكو به
ليه تجرح وجرك كبيـر الاطعـان وليه حتى الغدر صرت تلبسه ثوبـه
ليـه بعـد العشـره تكـون خـوان وليه احصد ثمار غيري يزرعوبـه
ليه تجازيني بعـد المحبـه بنكـران وليه ماقلـت حبنـا الغـدر صوبـه
راهنت على حبـك وانـا خسـران ماكنت اعرف ان غدر الغدر يغدروبه
راحت ايامك بقايا جـرح الاأزمـان بنساك ومن حبك ابا اعلـن التوبـه
منـك الحـب يتكلـم لغـة خـوان ومـن بعـدي راح تتحمـل ذنوبـه
ضاعت اجمل ايامي معـك بثـوان وبقفل كتابـك دام غيـري قروبـه
روح بعـد اليـوم مالـك مـكـان وحاسب ترا الغلطه عليك محسوبـه
انـا لـي الله خــلاق الاكــوان يلهم قلبي الصبر ويخفـف كروبـه