رثاء لشاعر ناصر الفراعنه

ما أراني فاعلاً في الليل إن أرخـى سدولـه؟ما أراني فاعلاً والصبح قد حـان احتضـاره=
طفلي اللي مات في اول يوم مـا ذاق الطفـوله عاجله سهم القدر واختاره الله فـي جـواره=
طفلي اللي مات في غمضة طرف ما حال حوله يوم عمر الآدمي ما كـان يومـاً باختيـاره=
يا وجودي يوم لفّوا شاحـب الأكفـان حولـه ما تقـول إلا شظيّـة لؤلـؤٍ داخـل محـاره=
يا وجودي يوم أطالع فيه,في عرضه وطولـه تنتحر في العين مني دمعـةٍ كنْهـا شـراره=
نفس عين آبوي عينه بل ونفس الزول زولـه وبالأماره, فيه من عمه(شبيبٍ) كـم أمـاره=
جابه الله مثل هتّـان المطـر ساعـة هطولـه ديمٍ احيا بهجـة امـه تـارةٍ وآبـوه تـاره=
ويوم شاف الشرّ من صوب آهلهْ يشعب ذلولـ هحطّ دون صدورهم صدره من الرحمه ستاره=
ومات توّي مـا بعـد بإيـديّ لبّستـه نعولـه مات توّي ما بعد ساويت فـي ثوبـه زراره=
كنّ عينه يوم مات تقول:بابا, ويش هـو لـه ؟يوم تبكي وانت تدري مين انا ذلحين جـاره!=
كلنا راحل وخيـر النـاس مـن زوّد رحولـه باغتنام الصالحات وكلّ كسـرٍ لـه جبـاره=
طفلي اللي صوّبت كبده قبل ساعـة وصولـه بندقٍ من عين حاسد واودعت قلبـي طشـاره=
يا وجودي ما لقيت أنسـب لمولـودي مقولـه من مقولة: يا وجه صبحٍ تحرّر من خمـاره=
أو ثغـر بـرقٍ تهامـيٍّ تبسّـم فـي ثعولـه ضوح مصباحه عليه يورّد النجـدي بكـاره=
يوم اشيله ما تقول اشيـل شـيٍّ مـن نحولـه آتشمّم ريحته -من فجعـة القلـب- بحـراره=
يوم جيت العب معاه وغاب قلبي مـن ذهولـه يوم ما شفته تبسّم لي وانا فـي اول زيـاره=
قمت أحدث عنه نفسي- والعرب حولي وحولـه ليت ما هو ميْتٍ؟إلا ميت! ما تبغى استشـاره=
اتْخنقنـي عبرتـي يـوم آتذكّـر مـا تقولـه عنه أمّه يوم أنـا فـي ديـرةٍ ماهيـب داره=
[آتذكّر يوم هو فـي بطنهـا يحـرّك رجولـه وانتعيرّ:ليت ما هو أقشـرٍ؟ لبّـى القشـاره=
كم سهرنا معه ليله كاملـه مـن كبـر هولـه لين صرنا نعَرْف موعد قومته داخل قـراره=
وان تأخّر ما صحى في موعده قمنـا نصولـه ننغزه يا من يمين البطـن وإلا مـن يسـاره=
ما نبي شيْ بسْ نبي نضحك على ردّة فعولـه ننغزه ويفز خايف ما درى ويـش العبـاره=
من يدي غيمة على أيـدي الملائكـة محمولـه غيمةٍ من نور ما تشبه نضارتهـا نضـاره=
يا إلاهٍ كل ما في الأرض طـراً سبّحـوا لـ هشفّعه فينـا غـداً واجعلـه لابوانـه بشـاره=
في نهـارٍ فيـه أعنـاق الشياطيـن مغلولـه يتلقّفنا مثـل مـا يلقـف الحـاوي صـراره=