الحصاد الموسمي للشاعر الحميدي الثقفي

عند الحصاد الموسمـي للنـور يتساقـط فـراش !
واللي غرس شوك وذرا .. ما يجني إلا مـا غـرس
ماجيت أسوم امكبـرات الصـوت والمقعـد بـلاش
جيت بيدي ورد وحروف ..وممتطي صهـوة فـرس!
فوق الثريا هامتـي والرمـل لا قدامـي ...فـراش
لا من ورا ظهري ..ولا يمشـون قدامـي حـرس!
جيت اعطي الظلما قمر جيت اعطي الفجـر انتعـاش
جيت ارسم البسمه على وجه امتلا غيظ وخـرس !
جيت اسقي الزرع / الهشيم اللي سمع صوتي وعاش
جيت اكتسي ريش بـدال اللـي تكسـر وانهـرس!
حزين ! لكن مانـي ابغيمـه .. ولادمعـي رشـاش
مهموم! لكن ماني اللي.. من همومـه مفتـرس!!
احرق فتافيت الدبش بالنـار واهتـج ( المحـاش (
واكسر غضب موج البحر ..واتجاهل ارياح البـرس
هذا أنا .. ضد الوحل .ضد الغـرق ..ضـد المنـاش
جيت وهذا صوتي أنا ..للمسمـع البـارد جـرس !!