صحـوة ضميـر للشاعر الحميدي الثقفي

ايه احبك ولا للحب صحـوة ضميـر
أي صحوة ضمير اللي تميت القلـوب
ايه احبك ولاني في الهوى مستخيـر
دمي اخضر ومن دمه خضر مايتـوب
لو تكون الخطايا فـي حياتـي كثيـر
انتي اجمل خطيّه في حيـاة الذنـوب
كلما جيت ابمشي واهتدي واستخيـر
وابتعد عنك ترميني عليـك الـدروب
صرت هاك السجين اللي هروبه يسير
من سجونك ولكني رفضت الهـروب
جيتك ارهقني الدرب الطويل القصيـر
جيتك بكل مافي سيرتي من عيـوب
انتي البرد .. ثم البرد .. ثم السعيـر
وانتي الفجر ثم الفجر ثـم الغـروب
انتي البحر .. والشاطي ملاذ الفقيـر
وانتي الصدق في ثغر الزمان الكذوب
انتي بلاد مجهول الوطـن والمصريـر
وانتي ابعاد مستقبل حيـاة الشعـوب