يضيق الصدر

يضيق الصدر لا شفتك حبيبي تمسح دموعك
ترى ما اقوى على حزنك لك الله لا تبكيني

حبيبي للفرح دايم ابيم توقد اشموعك
وابا زورك وابفرح به او انه ما يدانيني

ويش اللي صار باحوالك طلبتك قول موضوعك
الى هالحد تغليني وما ودك تعنيني

تعال وشوفها احزانك بنت في روحي افراعك
هدمت افراح من شانك وماتن بي بساتيني

حرام ارتاح في نومي إذا ما ارتحت بهجوعك
قسم بالله ما اخونك مدامك حيل تغليني

تراك النور لعيوني طلبتك جود بطلوعك
انا المجنون والتايه وليل الهم معميني

ومدامك مكسف وذابل وزايد ياسك وروعك
انا لا من دخلت الويل ضايع من يقديني


وليل من الفرح يبكي يبيك اتجود برجوعك
وهماً يا تلف حالي كفر بي لا عباً فيني

حبيبي ويش تبي قلي انا كلي رهن طوعك
علامك يا بعد عمري حزين وما تحاكيني

تعال وخد من اشعاري تسلا عطني اسموعك
إذا ما جاز لك شعري حرام اتخطه ايديني

تبي قلبي ترى جالك رحل لك داخل اضلوعك
تبي روحي تبي فرحي تبي مالي تبي عيني

حبيبي جيتك ابدمعي وودي تمسح ادموعك
انا غصتني العبره دخيلك لا تبكيني