لو خسرتك للشاعر اليمني / فضل النظاري

لـو خسرتـك ماخـسـرت العـمـر .. والدنـيـا مـتـاع
وادري انـي لــو خسـرتـك ماخـسـرت .. الا قلـيـل
بـس فكّـر زيـن .. تعـرف مـن خسـر فينـا وضـاع
وتعـرف انــك لــو تـلـف الارض .. وتــدوّر بـديـل
والله ان تبـطـي .. ولــو لفّـيـت فــي كــل الـبـقـاع
ولـو تسـوّي وش تسـوّي ماانـت لاقـي لـي مثـيـل
وين تلقى مثل شخصي شخص .. واطباعي طباع
وويـن تلقـى مثـل قلـبـي قـلـب .. او مثـلـي خلـيـل
البـشـر واجــد .. نـعـم .. لـكّــن فـــرق الانـطـبـاع
يجعـلـك يـمــي تـمـيـل .. ويـــم غـيــري ماتـمـيـل
يارفيـقـي .. انتـبـه .. واحـسـن الـــيّ الاسـتـمـاع
للمواقـف دور فــي كـشـف المـزيّـف .. والاصـيـل
وانــت ماقـصـرت فيـنـي موقـفـك .. جــدا شـجـاع
طعنـتـك فــي الظـهـر فـعـلا كـانـت اثـبـات ودلـيـل
بـيـضّ الله وجـهـك الـلـي سـاتـره تـحــت الـقـنـاع
ورايـتـك بيـضـا مـعـاي وياعـسـى عـمـرك طـويـل
يعني اعطيـك الثقـة وتردهـا ب ((لـوي)) الـذراع
ياخـي مـاشـاالله علـيـك ابـدعـت فــي رد الجمـيـل
مدري كيف اشكرك مدري كيف ارد الصاع صاع
كنت احسب انك عزيز النفـس .. تطلـع لـي ذليـل
كــم وانــا عيـيّـت اصــدق فـيـك قــدر المستـطـاع
من غبائي كنت اسكت واعذرك .. واثـر الحصيـل
جــرح قـلـبٍ .. ميـزتـه فــي كــل يـــوم الاتـســاع
ودمـع عيـنٍ ينهمـر مـن ضيقتـي .. فـي كــل لـيـل
والله انــي كـنـت احـبـك حــب .. واتبـعـك اتـبــاع
كنت لاجل ارضي غرورك بس اسـوي المستحيـل
كنـت اعمـى فيـك .. لا لا .. كـنـت مـيـت للنـخـاع
كنت مـدري كيـف؟ لكـن كنـت صـادق معـك حيـل
كنـت امـارس فـي غرامـي لـك سياسـة الانصيـاع
وكـنـت لاغــي مـعـك فـكــرة اعـتــزل او استـقـيـل
انـدفـعـت بــكــل مـافـيـنـي .. وســــوء الانــدفــاع
يـجـبــر الانــســان احـيـانــا .. يـفـكــر بـالـرحـيـل
صدمـتـي فـيـك انـــت .. خلـتـنـي افـكــر باقـتـنـاع
ان قـتـل النـفـس راحــة لـــو انـــا كـنــت القـتـيـل
انفـجـر راســي مــن التفكـيـر .. وازداد الـصـداع
كيـف انـا بفـتـك مــن جـرحـك ودوشــة قــال قـيـل
صرت سيرة في حلوق الناس .. وتالي هالضيـاع
انـتــحــر؟ مـعــقــول! يالله وش هـــــذا الـغـلـيــل؟
رحمـتـك يــارب لامــن ضـاقـت امنـحـنـي وســـاع
انـت حسبـي فـي الـزمـان الجـايـر ونـعـم الوكـيـل
لاغـدى مستقبلـي والمـاضـي .. اطــراف الـنـزاع
وصفحـة الماضـي سـواد وشـي مـن هــذا القبـيـل
فـلازم انسـى لجـل انهـي بداخـلـي هــذا الـصـراع
ولازم اتـقـوى .. عـشـان احـقـق النـصـر الجلـيـل
وطـالـمـا ان الـهـجـوم افـضــل وسـيـلــة لـلـدفــاع
مستحـيـل ارضــخ لــو ان الحـمـل ياربـعـي ثقـيـل
والبخيـل اللـي نسانـي واشـتـرى فيـنـي .. وبــاع
يـذلــف .. الله لايـــرده .. والله بـجـرحــي كـفـيــل
وان ســـأل عـنــي وجـاكــم بـعــد فـتــرة انـقـطـاع
علـمـوه انــي نسيـتـه بـــس انـــي مـانــي بـخـيـل
طالمـا كــان السـبـب فــي قـوتـي .. قـبـل الــوداع
بـلـغـوه اقـــل شـــي بـخـالـص الـشـكــر الـجـزيــل