جيتك للشاعر فهد السهران

جيتك على درب المشــــاريه واللـوم..

..........................اطوي مســـافات الولــــــــه يوم بـعتي

في عيني هموم وفي قلبـــي هموم..
..........................ومدري على الله بينهن ويــــــن ضعتي..

يااللي غديتي للظـــمى خـــــــاليه دوم..
..........................ويااللي مشيـــــــتي للفراق وجـزعتي..

كنتي بكوم وبـاقي الناس في كوم..
..........................يـــــالعن أبــــــــو دارك علامك قطعتي..

دام الــــزمن يابنت حقق لك حــــلوم..
..........................انـــــــــــا الزمن وحلمك اللي بدعــــتي..

وكـــــــان الرمال سخر الله لها قوم..
..........................عديني مية شـــــــــــخص دامك جمعتي..

وكان ارتفـــعتي للسحايب والغيوم..
..........................لولاي عمــــــــــــــرك للسماء ماأرتفعتي..

ويكفــيني إنك لو كبرتي على يوم..
..........................من تحــــــــت يديني كبيره طلــــــعتي..

ماني عـــقب قطع الرجاء فيك ملزوم..
..........................المغنـــي الله زيــــــن يوم انقلــــــعتي

رجـــــال انا تحكمني أطباع وسلوم..
..........................من نـــــــــاس يابنت عنها سمــــــعتي..

رجــــــــال من ناس كريمين وقروم..
..........................وان كان بغرورك يالغشيمه طمــــعتي..

أمـــوت أحسن لي ولا أعيش محروم..
..........................مهــــــما على ذيك الحنايا ســــطعتي..

وان جــاء في بالي وحطيت لك زووم..
..........................أخضعـــــــــك لو يوم ماقد خضــــعتي..

ودامـــــك حلفتي ماتردين في يوم..
..........................حلــــــــــفت انا ماكلمك لو رجعـــــتي..

ودامك حلفتـــي تحرميني من النوم..
..........................حلفــــــــــت لو إنك دقيقه هجــــعتي..

لأعمي عـيوني بالسهر واندفن دوم..
..........................واغــتال قلب(ن) في عذابه برعـــتي..

وان ماكـــــــفاك اللي خذيتيه لليوم..
..........................أو ماعـــــــجبك البارحه ماسمـــعتي..

بعــــــطيك رأي وكلمة مابها سوم..
..........................وانتــــي على كيفك إذا ماأقتنـــــعتي..

صومي ثـــلاث أيام عني وانا اصوم..
..........................كل الــــدهر عن حلفك اللي قطــــعتي..

هلا مرحب وحيابك " يا غالي بين أحبابك
ترى طلتك تسر القلب : كريم الحظ اللي جابك

أتمنى لك قضاء أجمل الأوقات

كما أتمنى أن أكون عند حُـسن الظن بي دوب