كنت أظن هالدمعة للشاعر / أنور المشيري

روح وسافر بس توعدني تجيني
وانت سالم للي ينطر مرجعك

اما عني روح ولي رب يعيني
والله يعلم كيف حال مودعك

صرت أحسد من كثر شوقي وحنيني
حتى هذا الخاتم اللي فاصبعك

كنت أظن هالدمعة اللي وسط عيني
وانت رايح جت معايا تودعك

لين طاحت مني كلها ما تبيني
من غلاتك ودها ترحل معك

هذا قلبي هذة عيني ذي سنيني
ما يبونك ترحل وكيف أقنعك

حتى روحي واقفة بينك وبيني
لا هي عندي ولا هي تقدر تمنعك

خذتني كلي انا وش باقي فيني
خايف أوقف وألقى ظلي يتبعك

روح وسافر بس طلبتك يا ضنيني
عالأقل لو ما أشوفك أسمعك