أشوف خلق الله ق/ سالم سيار

اشوف خلق الله تعوي كل ابوها
كلن يبي يبني لربعه مراقيب
تمسكنو بالدار حتى امكنوها
وكلن في تقطيع البلد عندة اساليب
انا اشهد انهم يا السنافي انهشوها
جرح يطيب وجرح ما ضنتي يطيب
ما فيهم اللي قال تكفى ارحموها
ولا فيهم اللي قال ياعيبة العيب
قل للكريمه ما لها.غير ابوها
اللي تربت على عزة والطيب
يستعجل بتأديب من عذبوها
من قبل لا تكبر بايديهم مخاليب
الطيب ماينفع مدام اجرحوها
الطيب لايودي معاهم ولا يجيب
أعيونهم يا بن الصباح وعموها
من كثر ما شافو معزه ومواجيب
هذي ترى بنتك ولو هم نسوها
كل ما جرحها شي من فعلك تطيب
وهي عز منهو للمعالي ارفعوها
واخت اللي ياخذ من سماها لواهيب
طالت وابي تسمع ترى طولوها
ادري مطامعهم ترى دونك تخيب
كلمة وطن يا شيخ والله أجهلوها
علمهم ان معنى الوطن صلف ومهيب
شب الفعل في راس ناس جووها
واجو المرض دام الجوي فيه تطبيب
هذي بلادي لو بعضهم طفوها
شوفها بقلبي شمس لا يمكن تغيب
واجد ترى مثلي احرار احضنوها
من غبنهم والله شافو التعاجيب
وان قالو انهم للمواطن بروها
والله المواطن من فعايلهم صويب
وان قالو للتاريخ هم عمروها
تاريخنا ترى راسه شوي ويشيب
شفت النوايا سود لو بيضوها
قلوب تمشي ما بها الا الاكاذيب
ابيوت من خير البلد كبروها
وصار الترف فسقان وسط العلابيب
انفوس بفلوس البلد وأترسوها
وصارو وسط لندن شيوخ ومعازيب
نظرة غرور وشوفهم صعدوها
والله ما نلقى بنظرهم تراحيب
هي سهله عندك ولو صعبوها
ما غيرك اللي يحل عقد المناشيب
هذي مخالبهم يا شيخ إظهروها
يا تقصها والله أنهشتنا مخاليب