تاج رآس المرجله والنشامه للشاعر فضل النظاري

يا تاج راس المرجله والنشامه

تطمن مالك إلا العز والنوماس

من أيام النبي ليوم القيامه

ما تسكت مزامير شلة الخناس

هذولا نسآل الله السلامه

للردئ ساس وعرقهم دساس

لا تقول كلآ يثمن كلامه

العيب حنا نعرفة والتغلاس

المحترم يفرض علينا إحترامه

والغير محترم بالاقدام ينداس

واللي ما له عزة ولا كرامه

وشلون يفرض قدرة على الناس

من قبل لا يبادر بإتهامه

يعطيني شهود ويقطع الراس

كل حي منا وله مقامه

بعيون الأمة يا هلا البآس

قد صدق من قال ابكلامه

الموية دايم تكذب الغطاس

ومن لا يُحترم عيب إحترامه

والمحترم نعده سادس حواس

هنا دار المرجلة والنشامه

ما يظلم فيه أحدٌ من الناس

في دار أبو علي شامخ الهامه

عز الله مقامه بقلوب الناس

إليا ذكرت إسمه للعرب قامه

هيبة وإحترام يا طيب الانفاس

أكرم من هماليل السحب والغمامه

واعدل من ميزان الذهب قسطاس

وابلغ من الطعنات بـ حسامه

وانعم من الديباج وانواع اللباس

فإن يضج صوتي الخلق عامه

وإن شفت دمي أحر من البسباس

فلا تعتب علي وترمي الملامه

طبعي ما أحب الكذب والانجاس