اللي هجرني وانا من قلب حبيته
ما أعود انا له لو بأعانق الأكفاني
حرام علي النوم من ساعة جفيته
يا حيف من بعد عشره تناساني
وحرام يبيعني بعدما انا شريته
وشلون ينكرني لا صار شرياني
يهديني الحزن وانا الفرح أهديته
ويحرم علي الذل بعده لإنساني
والذي ينكر وجودي كلما جيته
انا الذي أسكنته بقصر وجداني
حطم بصده كل صرحٍ قد بنيته
واستمع لأهل الرذيله والشواني
أبهدم هذا القلب لا صار بيته
وابتعد عن دربه واقص جنحاني
ما كنه إلا صفحه بحياتي وطويته
إن طاعني هالقلب وإلا عصاني
ما زلت متذكرإ له ما نسيته
ولا غيره حد على عشقه دعاني
خلاص لا يرجع تروني قد رميته
من قصر خافقي وبر الأماني
مادمت انا ما جرحته ولا شكيته
والله إني ما أرد إله في الأماني
وما دمت مالي قدر لا جيته
ناويٍ أنساه وإذا وقتي حداني