إلا ظلم الحبايب ما نعوفه

ماني بشي ٍ لا طحت منك يعود
ولاني بريح ٍ بين أوراق الخريف
الظلم مكروه في كل الوجود
إلا ظلم الحب لا يمكن يعيف
دام ظلم أهل الغرام ماله حدود
في ذمتي ما فالغرام قلب ٍ نضيف
انا كما الماضي صعب إني أعود
ما كنت لك ظالم ولا حبي ضعيف
أبني أحلامي على عزف الخلود
لكن أحلامي وانا فالدنيا ضيف
والضيف له وقت ٍ ويرحل يا سعود
دام تفهم فالشعر مالي بطيف
المخافة من وعد يوم الصمود
يوم قلبي في أمان الله يخيف
الله وأمانه في غرامي لك شهود
قاسيآ قلبك وقلبي بك لطيف
ما قطفتك لا صرت ورد الورود
بس نفحتك عطر في عمر الخريف
ما عشقت من الوجود إلا الوجود
ولا خذيت إمن الزمن غير النظيف
وحنا ما فينا أحد ينقض عهود
كل عهدآ لو نقطعه ما نخنه كيف
كيف بـ أجني وجنتك دامك رعود
كيف أسقي دمعتك وانا ضعيف
صرت أباخذ من قساوتك الصمود
كيف بـ أزرع بسمتك دامي خريف
ما عشقت من الفهود إلا الفهود
ولا إلي نفس ٍ ترى بحب الضعيف
شي تحبه كيف تسيبه بالوجود
والله هالدنيا غريبه بوقت شيف

أحتويتك في خفوقي همس محتاج لجواب

وأرتضيتك حلم ليل ٍ وحرف بوجهات القصيد

كل حرف ٍ من حروفك خالط إحساسي وذاب

عانقه نبضي وشوقي جاريآ مجرى الوريد

كيف ما أحبك وإنتا فـ دنيتي حتى العذاب

في وصالك بي يزول وأرد لك طفل ٍ وليد

يشهد الله في غيابك كل شي أصبح سراب

شاخت حروف المعاني في نظر عين الوحيد

لا سماء فيها طيور والأرض ما تنبت أعشاب

حسب جرحي مالك ٍ دونه ما تبقى عبيد

يثمل القرح بخاطري وينتحر حلمي شباب

يوم سكرات الغياب ما وفتني إلا شهيد

يا رفـيـع الـذوق يا الـعـذب الـخجـول

يا شـبـيـه الـحـلـم وأبـعـاد الـخـيـال

يا ربـيـع الـعــمـر في كـل الـفـصـول

عـانق أسـراب الـغـلاء شـوق وتعال

أدري إنـك بالسمـاء صعب الـوصـول

مثل قلبي في الهوى صعب المنال