ياليت قبل تحكي عني للأغراب
تصدق بقولك ولا تزيد الأذيه
جاني كلام إني معك كنت كذاب
إني محملك الشقئ والأسيه
وإني أبيع الود وأبيع الأحباب
إش باقي ما قلته حبيبي عليا
ظالم وأخاف عليك من يوم وحساب
يا خي حرام اللي تسويه فيا
أرفع يديني طالب ٍ رب الأرباب
وأتذكر العشرة وأنزل يديا
أحرجتني بين القرايب والأحباب
وخليت جميع الناس تحكي عليا
أهدي لك البسمه وتهديني أنياب
ليه الوفاء في مثل شرعك خطيه
الله بلاك بناس تفرش لك أهداب
والله بلاني بناس ما هي وفيه
ياليت عندي شوي من غدر الأصحاب
ما كنت إلين اليوم أمد لك يديا
ودك نعيش أصحاب وانا ودي أحباب
يا ليت عندك من غرامي شويه
أذكر رحلت بيوم وسكيت الأبواب
وأنتا الذي أعدت تفتحها عليا
يمكن انا عفتك وتدري بالأسباب
بس الأكيد إنك مجهول الهوية
رح وإعتبرني واحد أذنب ولا تاب
ما أتوب عن حبك يلين المنيه