سلام لك ما حلت اللعنه على إبليس
يوصلك يا عاذلي لمكه أو للمدينه
سلام ما به إحترام من الأحاسيس
يبلغ مداك ياللي غديت بالبحر سفينه
لا تظن لك قدر ٍ أبد عند القرانيس
قدرك مثل قدر البخيل فارغ يدينه
ما أحد ٍ فقير غير اللي ما عنده أحاسيس
ولا أحد ٍ غني كود اللي يرضي والدينه
من قال صلى الله وسلم على إبليس
أقول حد الله ما بيني وبينه
هُدهد سليمان كان سبب إسلام بلقيس
وفرعون ألحد شعب كامل بدينه
شاعر انا وإن ما دخلت في القواميس
أكيل معاني لين ما ترجح مؤازينه
أنا وطن للشعر وأنتم به جؤاسيس
كلكم كفار به وانا رسوله ودينه
انا سلطان القوافي دون تلبيس
محد ٍ ترى في هالأرض يقدر يهينه
صاحب فضيلة فالشعر ماني بقديس
أنسف جبال المعاني السمينة
هذا الفضاء ما زينه غير النواميس
وإلا الثياب اللي تزين هالخزينه
يا شين هذي الأرض من غير التضاريس
مثلما دمعه وسط قلبي سجينه