حبيت أبرسم من معاني الألم لوحة عذاب
قلت لازم كل ناظر يلقى ما سويت فيني
قلت لابد كل قناع ٍ تختبي خلفه ذئاب
أنزعه وأسفر عليها كل ظلم ٍ يحتويني
فكرت أرسمها غدير ٍ وإلا أرسمها سراب
أعتقد يمكن مشاعر ودي أسميها سنيني
فجئه سويتك ضلالي وأنفتح لـ الليل باب
لاح كِبرك في صباحي وزغردت فيني شجوني
ما عرفت أخفق جناحي لين ما جف السحاب
وأحتمى نبض إنشراحي وصاح في بردي أنيني
الله وأكبر يا لغرامك صب في كآسي غياب
كلما تطعن في يديك أكتشفها في يديني
مرت أشهر وأنت جافي لا سؤال ولا جواب
مرت أشهُر ياه منك مره ما فكرت فيني
وش جراله كيف حاله هالمعذب فـ الغياب
وانا أكتب في غيابك ألف بيت ٍ ما سليني
ما حصل لي من غرامك غير قهر وإكتئاب
والمشاعر من تكابر يعني تلخص لك حنيني
أسهر الليل وأدندن أقسى اللحان العذاب
رمح كاظم من يغمد والمهندس ينزفوني
يعني ما فيها مجال أنتحب يعني إنتحاب
لعنبو جدك عذابي زاد عن حدة طعوني
أبعثر الوآن ٍ كثيرة واُغتصب فيها إغتصاب
كلما أفتح أغلال ٍ سك به نبض ٍ سجيني
فكرت أرشح غرامي دامني فيها إنتخاب
تكبر وتقول إني بالعناء تودني سجيني
عذر قاسي وأي واحد يعتذر عشق الصعاب
دام طوفان المال يقدر يحطم سفيني
وانا عيبي الفقر كافر إيه نعم عيب ٍ مُهاب
بس ربي اللي عطاني عزة النفس يحميني
بلوة الخلاق نعمة وتستحق مني الزهاب
وأسجد وأطلب إللهي برحمته أن يجتبيني
بحر مده من عنادك وجزله من الغياب
وشلون ما تؤدني حي ٍ أن أجيك ولا تجيني