مغرور وصعب حبه

الغنئ بالعز ما هو رآس مال

دون عزك للمعز عزك يزول

الذكاء يعكس مفاهيم الجدال

والغباء كانك تصدق ما يقول

والهوئ يا سيدي ما هو حلال

دون ضل الله واقع به ذهول

بأختصر لك بالحياه أروع مثال

وأنت وزعها على أربع فصول

الرجل ما يلفته إلا الجمال

والفتاه ما جذبها إلا خجول

وإن تبي صيتك يضرب به مثال

إمضي بنهج الصحابه والرسول

ما يزين هالحياة غير الأطفال

ولا يكدر خاطرك إلا الفضول

فلا يضيق الصدر والله ما يزال

كل مشاكل هالحياه لها حلول

..............

ما مشيت الحب بدروبك إن مثلك عن هواي خالي

لا يبارح دمعك إجيوبك دمعتك ما تطري إبالي

ثوب نسياني غدى ثوبك يوم جسمك ما يبي إضلالي

صعب أكن في يوم محبوبك يحتضني حبي إلحالي

ما تمنيت أعشق إعيوبك شمس حبك تفني إضلالي

كثرما أحبك غدى صوبك ماله طب ٍ كثر إهمالي

لو يطيب الجرح ما أتوبك ما تمنيتك على بالي

رايدك بالحب مطلوبك يطلب اللي ما يبي غالي

...........

مغرور وصعب حبه

القهر لا من طلبت الحي في يوم قربه

وقتها يقل شآنك وتشعر إنك منت قده

تبتعد في صمت وألم والقهر تبداء بحبه

وأنت كلما زدت قربآ زدت بُعدآ بالموده

بس تدري يا صديقي ما تمل في يوم قربه

رغم صده رغم صمته رغم قساوته وبعده

تشعر إنك وسط قلبه ولا يريدك بالمحبه

شي يحير القلب والله يستوي مزحه وجده

تعاتبه لحظة حضورة وتنشر الجرح بكل دربه

يعني لا منه تغيب تدعي الله أن يرده

تشعر بقربه إهانه ولا لقيت بالوصل راحه

والقهر ينسى عنك لك أحاسيس وشعور

تجذبك كلمة جميله من قلب طيب حنون

بس حسافه كيف يقسى ما يبالي بالمحبه

يدوس على قلبك وقلبه بس يعرف من تكون

وده قربك بالإخوه يعاهدك ما يوم يخون

والدليل شوق القلوب بين قلبك وبين قلبه

في غيابك وصمت قربه يا خي وش جابك لدربه

كف دمعك وإنسحب مالك نصيب باللي تحبه

مغرور وصعب حبه

يا محب هذا لا تحبه

عنيد وتعب قربه

يا قلب هذا لا تحبه

الله عطاك ما لا عطئ نبي الأنام

بالظلم ما تعداك أحد مهما يكون

لو كنت بأيام النبي يا خير الأيام

كان تنزل عليك سورة مثل فرعون

.....

هذا خلق من نور ما هو من تُرآب

أعدل من الميزان وأكرم من سحابه

يعني

لو إنه بزمان النبي سمح الجنآب

قسم بالله كانه ذُكر من الصحابه

....

انا عزتي تفرض علي أخاطب بالجفاء من خاطبوني

وأذوقهم من كآس سُمهم بعض ما يستحقونه

هذوك والله لو أطلب ذنوبهم ما عطوني

أجل وشلون أبعطيهم روحي عشان يدوسونه

من يجرحوني مره ومرتين لا يمكن يطيبوني

ومن لا يبالون في شعور قلبي ما يهمونه

أما ترى قلبي يحب دايم اللي يحبوني

أجل وشلون يحب اللي في يديهم يسمونه

............

البارحة ما نامت عيون المرايا

من شوفة الزين من زين زينه

تبسمت يوم عضت بالشفايا

لين ذابت ثيابها وسط الخزينه

زينه لك الله يتل قلب الحنايا

مدينةٌ للحب ما بعدها مدينة

أمسيت أهلي بها رب البرايا

وأمست شعوري بحيره حزينه

أسآل عليها فرولاتها يا هنايا

يوم الروح تذوب في غمازتينه

وإذا شعرها يداعب المِشط

تقول كنه بالبحر موج وسفينه

لا كحل فيها ولا أحمر شفايا

هي كذا من المولى حسينه

وإلا العيون لي تسوقك للمنايا

كنه عسل دوعن من شهد عينه

فيها دلع طفل ٍ تبناه شايب

وإلا الغرور ما كان يوم من طينه