{{ويش أوصف من جمالك ويش أشوف
إن نظرت لوجهك أذهلني القوآم
وإن نظرت لخصرك تذبحني الكفوف
تأخذين العقل ما فيها كلام
زينك ربي على باقي الألوف }}
كل خلق الله تضرب لك سلام
تعجز بوصفك بأبيات وحروف
كل أقلام ٍ توصف لك مقام
الشَعر شلال ما بين الكتوف
لونه أسود مثلما لون الظلام
كل من شافك بها الدُنيا شغوف
لا بُثينا ولا هنوف ولا مرام
صوتها ما هو مثل ضرب الدفوف
مثل موسيقى المطر رمز السلام
القوافي بغير وصفك ما تطوف
وإلا خطواتك مثل مشي الحمام
كل من شافك تمنى ما يشوف
غير وجه الله يا نسل الكرام
في زعلها تعيش عز الأمن خوف
وفي رضاها الكل ينعم في سلام
لجل عينيها تقوم حرب وسيؤف
ولجلها تطلع الشمس فالظلام
كل معاني الشعر تخطي بالوصوف
فدوة ٍ لو ذقت لعيونها إنعدام
الجمال اللي بيعمي كل شوف
والخِصال اللي تثير المُستهام
والقمر اللي ما فيها كسوف
كل عاقل بين يديها يرد غُلام
{{ لا جواهر لا العنود ولا الهنوف }}
من نظر حُسنك نسى طعم المنام
طفلة ً تسحر بضحكتها الألوف
في قُربها وفي بُعدها ما تنام